Класікі беларускай літаратуры пакінулі вялікую спадчыну, на якой узгадавалася не адно пакаленне, і якая на працягу дзесяцігоддзяў вывучаецца, асэнсоўваецца, перакладаецца на іншыя мовы і пашырае веды пра нас – беларусаў – ва ўсім свеце. З мэтай зацікавіць навучэнцаў мастакамі слова беларускай літаратуры 02 лютага 2024 года ў 8 тэхнічнай групе была праведзена віктарына “Беларускія пісьменнікі”. Навучэнцы ўзнавілі свае веды пра вядомых беларускіх пісьменнікаў Максіма Багдановіча, Якуба Коласа, Янку Купалу, Уладзіміра Караткевіча, Васіля Быкава і інш. З вялікім задавальненнем яны ўдзельнічалі ў віктарыне, па партрэтах пазнавалі вялікіх мастакоў беларускага слова, а таксама іх увазе была прапанавана прэзентацыя на тэму “Беларускія пісьменнікі-юбіляры – 2024”.
